TACLOBAN CITY – Mas haluag, mas malimyo ngan mas komportable an bag-o nga
terminal building han Tacloban City Airport o kun Daniel Z. Romualdez
airport.
Dida han mga nakalabay nga tuig, 300 la nga mga pasahero an akos nga
makasakob ha terminal building, yana, 700 nga mga pasahero na an akos nga
ma-akomodar han mao nga airport.
Sumala kan Dept. Of Transportation Sec. Arthur Tugade, an pagpahaluag ngan
pagpa-upay han terminal in para magin convenient ngan magin komportable an
mga pasahero.
Nagtikang an konstraksyon han mao nga terminal building dida han Hunyo han
nakalabay nga tuig ngan nakompleto ini yana nga bulan.
Sumala han Civil Aviation Authority of the Philippines (CAAP), nag-alotaga
an gobyerno hin nagkakantidad 17 million pesos para han pagpahaluag han
terminal building.
Waray liwat makaapekto an konstraksyon ha operasyon han terminal
Dugang ni Sec. Tugade, parte na han plano han gobyerno an mas maayos nga
airport ha Tacloban.
Ha pagka yana, padayon nga gin-iinayos an iba pa nga parte han airport
sugad han bag-o nga parking area, asphalt overlays ngan shore protection
facilities.
Nagkakantidad 500 million pesos an tanan nga proyekto pagpa-upay han
airport nga mahuhuman sunod nga tuig.
