Nakuha ngan ginparangalan an Syudad han Tacloban kumo Most Improved Local Government Unit ha ilarom han Highly Urbanized City of 2017 ha gindumara nga 5th Regional Competitiveness Summit ha Philippine International Convention Center o kun PICC CPP Complex ha Pasay City.
Ginkarawat ni Tacloban City Mayor Cristina Romualdez an Plague of Recognition tikang ha National Competitive Council (NCC) nga ginpangunahan ni Private Sector co-chair Guillermo Luz ngan DTI USec. Ruth Castelo.
Ha panayam han RMN News team kan Mayor Romualdez, naglalaum an alkalde pinaagi na liwat han pagburublig han mga opisyales han syudad nga magpadayon ini nga estado han Tacloban.
Ika 16th place gihapon an Tacloban pag abot ha infrastructure ngan 12th place naman pag abot ha most Competitive Reseliency. Bisan pa man ginlasurbo han Super Typhoon Yolanda an Tacloban, nagpapasalamat gihapon an alkalde ha malaksi nga pag improbar han Syudad.
Naglalaum liwat an alkalde nga ha masunod nga tuig in mas magiging mahusay pa an Tacloban ngan mamintinar an Most Improved LGU han High Urbanized City ha bug-os nga Pilipinas.
Sakob gihapon an Tacloban ha Top 10 nga Competing Cities ha Pilipinas. 1500 nga mga Local Government Units ha Pilipinas an nagpartisipar han 5th Annual Regional Competitiveness Summit and Awarding Ceremony.
