Tacloban City Government, naaro hin suggestion tikang ha publiko hini nga traffic ha syudad

193

TACLOBAN CITY – Gindis-og han City Government han Tacloban an pagpa-implementar han bag-o nga traffic scheme nga ipapatuman unta ha Pebrero 21, 2018.

Sumala han City Gov’t, tatagan anay an publiko hin oras agud makaghatag hin feedback o suhestyon ugsa ipatuman an gin-proponer nga bag-o nga traffic management scheme para ha central business district han syudad.

Ha pressconference, gin-esplikar ni TOMECO chief Emmanuel Naval ngan University of the Philippines National Center for Traffic Studies (UP-NCTS) Senior Traffic Engineer Dr. Ricardo de Guzman, importante nga tumong an plano nga traffic scheme nga ginrekomenda han UPNCTS ha nagpapadayon nga traffic study ha syudad nga nagtikang dida han Nobyembre han nakalabay nga tuig.

Sumala kan Executive Assistant Atty. Aldrin Quebec, karuyag ni Mayor Cristina Romualdez nga ugsa paman ipatuman an scheme in matatagan anay an publiko hin oras nga ipadangat an ira mga suhestyon.

Ha Pebrero 15, may ipapaskil an TOMECO nga mga mapa han gin-proponer nga traffic scheme ha pampubliko nga lugar lakip na ha City Hall ngan sugad man an mga stakeholders in tatagan hi feedback form.

Ha Marso 2, 2018 an deadline han feedback ngan matapos makolekta ngan ma analyzed, ig-aanunsyo na an fine-tuned traffic circulation scheme ha Marso 9 ngan susundan han executive order han chief executive.

Ha ilarom han proposed scheme, one way an Rizal avenue, Avenida Veteranos St., Real St., Justice Romualdez St, P. Burgos St., Zamora St., Salazar St., Juan Luna Street. Samtang two way naman an Gomez St., M.H. del Pilar St., sto. Nino St. ngan Paterno St.

Facebook Comments