TACLOBAN CITY – Magkakamayada na hin green park an syudad han Tacloban ngan igtutukod ini dapit ha Abucay Transport Terminal.
Gintagan na hin pondo an Tacloban City Government para hini nga proyekto nga nagkakantidad hin PHP14 million ngan gin-aprobahan na han Department of Budget and Management (DBM) tikang ha Green Green Green Local Government Support Fund.
Ini nga pitad in para mas magin eco-friendly iton syudad ngan para mas magin maupay gihap an terminal.
Sumala han City Planning and Development Office (CPDO), an parke in mayada 2,063.267 square meter.
Diri la ini basta-basta nga green park kay mayada ini food court, picnic area spaces, public toilets ngan commercial area.
Ha pagka yana, iton syudad in mayada la usa nga parke amu an astrodome park and playground.
