Tacloban PNP nagsagdon ha publiko nga diri dayon tumuod ha mga "fake news"

409

TACLOBAN CITY – Dayon nga ginpanhimuwa han Tacloban PNP an nagcirculate online nga post nga mayada na daw resulta han autopsy report tikang ha PNP Crime lab nga ginrape daw an maistra nga nakit-an nga namatay ha sakob han Leyte National High School.

Harani 1, 000 an share han mao nga post nga iginkabaraka han mga otoridad.


Sumala kan PCInsp. Rex Cantillep, Information Officer han Tacloban City Police Office, naghuhulat pa hira hin resulta tikang ha SOCO ngan PNP Crime laboratory agud mahibaruan kun ano an cause an nahinabo antis mamatay hi teacher Romela.

“So far, basi han amon record waray o gindedeny namon ito hano nga sinisiring nira nga mayada sumurrender ngan ito nga mga tawo nga sinisiring pa nga nag-rape. Base han amon record ha station 2 ngan ngadi ha central, waray gud kita hito impormasyon.”

Ginkabarak-an liwat han mga otoridad kay nag-aakusa na an nag-post hin mga suspetsado nga suspek han pagkamatay han maistra, mga construction worker daw an nagrape.

Abiso han Tacloban City Police Office ngan RMN Tacloban ha publiko nga diri magpasamwak hin sayop nga balita o mga espekulasyon kay kairo iton pamilya ni teacher Romela.

Man ngani, nagpapadayon pa iton imbistigasyon han mga kapulisan ngan ginhuhulat pa an autopsy report tikang ha PNP Crime lab ngan an SOCO report.

Facebook Comments

From Advertisers