Davao City- Nagmuntar og dugang mga CCTV cameras ug high end nga mga softwares ang Public Safety And Security Command Center parte sa pagpahugot pa sa seguridad sa dakbayan atol sa Kadayawan Festival 2017.
Sumala ni PSSCC Head Retired General Benito De Leon, duna silay ginasulayan karon nga bag-ong sistema diin mamahimo niining marekognisa ang mga dagway sa tao pati nga behikulo.
Sumala ni de Leon nga ang mga proponents sa maong software buot nga mutabang sa pag improbar pa sa seguridad sa syudad partikular na sa kadayawan.
Dako kini nga tabang sa mga otoridad alang sa paspas nga magdetect sa mga wanted persons.
Bisan pa man walay specific threat ang dakbayan gipaniguro nila sa security forces nga tanang mga events daghan ang ihap sa mga personahe nga maoy mumentenar sa peace and order.
Busa karong tuiga, mas daghan gyod ang gipakatag nga personahe aron maseguro nga luwas ug magmalinawon kini nga selebrasyon alang sa tanang mga Davaoeños.
Kasamang Aimee Guinita
