Davao City- Angayang manubag gayod kung kinsa man ang nanag-iya sa Cave Café o Secret Peak Buda Café sa Purok 11, Sitio Langub, Brgy Baganihan, Marilog, District, Davao City kansang nakalapas sa RA 9072 o “National Caves and Cave Resources Management and Protection Act”.
Kini ang pamahayag ni Councilor Tek Ocampo, Committee on Environment and Natural Resources.
Sumala sa konsehal nadismaya kini dihang nasayran nga giingong gigabas kun gipamutol ang stalactites ug stalagmites sa maong langub.
Segun niini gikatakdang makigtagbo siya sa National Bureau of Investigation XI kinsa maoy nisilbi sa search warrant nga giisyu ni Regional Trial Court (RTC) Acting Executive Judge Rowena Apao-Adlawan.
Samtang, gibutyag ni Ocampo, ga-inventory sila sa mga protected ug eco-tourism sites.
Ginahuman na lamang nila kining pagbisita sa mga lugar ug gikatakdang muhimo og ordinansa si Ocampo alang niining mga eco-tourism sites.
RadyoMaN Aimee Guinita
Facebook Comments
