Davao City – Human mi-viral sa social media ang video sa usa ka fish vendor sa Toril Public Market nga nasakpang nanikas sa customer gamit ang gubang timbangan, gisumonan karon ug gitakdang mangatubang sa Davao City Economic Enterprise (CEE) ang tag-iya sa stall nga responsable sa maong modus.
Gipatawag ang stall owner aron ipasabot ang insidente. Samtang giingong wala matud pa siya nasayod sa gihimo sa nanikas nga vendor ug dili kadto ang ‘authorized’ nga mubantay sa stall.
Sa post sa City Government of Davao, gibutyag ni Maximo Macalipes Jr., Economic Enterprise Manager sa CEE, ang stall nga makalapas sa prescribed sanitation alignment, weights and measure, ug kakulangon sa business permit, mangatubang gyud sa lokal nga panggamhanan.
Subay niini, giawhag ang dabawenyos nga mu-report sa bisan unsang illegal activities sa CEE o sa the Davao City Reports (DCR) aron gilayon kining maaksyonan.
RadyoMaN Ivy Parido
Facebook Comments
