Davao City – Giduso na sa kapulisan sa Davao del Sur ang kasong may paglapas sa RA 9165 batok sa suspek nga tag-iya plantasyon sa marijuana sa may Kiblawan, Davao del Sur.
Sa interbyu sa RMN Davao kang Davao del Sur Police Provincial Office spokesperson Police Major Darwin Dura nga wala usa nila gisapubliko ang pangalan sa suspek.
Bisan pa man sa kalisod ug taas nga threat sa seguridad tungod sa presensya sa mga New People’s Army ug uban pang bandido sa may Sitio Blabaluyong, Barangay Kimlawis, Kiblawan Davao del Sur nagmalampuson ang mga awtoridad sa pagibot sa anaa sa lima ka ektaryang punuan sa Marijuana.
Sumala ni Dura nga nagpahigayon og ceremonial burning sa pagpanguna ni PDEA Director General Aaron Aquino kagahapong adlawa.
Sumala ni Dura mokabat sa P3.4M ang nadabdabang planstasyon sa marijuana sa maong lugar.
Human nga makadawat og impormasyon ang mga awtoridad makuting plano ang ilahang gikasa hangtod sa malampuson nilang na penetrate ang plantasyon niadtong niaging Semana.
RadyoMaN Aimee Guinita
