Tampilisan- Gidala sa buhatan sa kapulisan sa Tampilisan si Regie Alcuran Camanse, 54 anyos, human kini nasapon sa kapulisan nga namutol ug kahoy nga mismo iyang gipanag-iyahan.
Nasayran nga ang personahe sa DENR CENRO Liloy sa pagpanguna ni Richard C. Maglangit- ang special investigator I ug PENRO Provincial Governor’s Office sa pagpanguna ni Danilo S. Villacura- PEMO monitoring uban sa personahe sa PNP Tampilisan pinaagi ni PI Rene B. Sagan, dali kini nga ni subay sa brgy. Tininggaan sakop sa maong lungsod aron sutaon ang ilang nadawat nga taho mga 8:00AM niadtong myerkules.
Matod pa adunay gikatahapan nga illegal ang pagpamutol ug kahoy doul sa dalan sa nahisgutan nga barangay.
Mga 1:30 sa hapon sa susamang petsa nahidangat sa lugar ang mga tinugyanan sa balaod, didto ilang nakuha ang mga mosunod; 122pcs sa Mangium tree, gibana-banang moabot sa 543brd ft, mo halin usab kini ug P13,575.00, nakuha usab ang 51pcs nga Falcata Tree, adunay gidaghanon nga 336brd ft. Mo halin usab kini ug P8,400.00, lakip usab nganakuha ang 10pcs nga Gemelina, gibana-bana nga moaabot sa 56brd ft. Mo kantidad kini ug P1,400.00.
Sa pag imbistiga niini sa kapulisan, nasayran nga ang mga nakumpiska nga kahoy gipanag-iyahan kini mismo sa nasikop sa kapulisan.
Sa pagkakaron nagpaabot nalang kini nga mapasakaan ug kaso may kalabot sa illegal logging.
