TACLOBAN CITY – Padayon nga napapalit ha mga accredited rice retailers an tag P32/kilo nga NFA rice ha mga bungto ha Region 8.
Sumala kan NFA Assistant Regional Director Raymund Tafalia, tungod han nagpapadayon nga pagmahal ha presyo han commercial rice, ginpapatuman yana han NFA an ira programa kun diin nagbabaligya hin tag P27/kilo nga NFA rice ha mga pili nga mga lugar ha bug-os nga rehiyon.
Ha probinsya han Leyte, nakakatagamtam na an lima nga barangay han Palo, An Brgy. Anahaway, San Jose Caloogan, Grasa ngan Libertad han tag P27 nga bugas kun diin ini nga mga barangay in resettlement sites.
Ha iba naman nga probinsya, ginbabaligya na gihapon an P27 nga NFA rice.
Pagklaro han opisyal nga gin fi-finalize nala ngan lauman nga madudugngan pa an mga lugar kun diin mababaligyaan hin tag P27 nga NFA rice.
Pahimatngon han opisyal, makipagsumpayan la an mga Local Government Units (LGU) ha NFA kun karuyag nira pabutangan hin tag P27 an ira lugar.
Patapod han NFA nga ha mga masunod nga adlaw in matutuman an ira target nga damo pa nga mga lugar an makakatagamtam han mas barato nga bugas.
