Tag-ulan, opisyal nang idineklara ng PAGASA

Opisyal nang idineklara ng Philippine Atmospheric, Geophysical and Astronomical Services Administration (PAGASA) ang pagsisimula ng tag-ulan sa bansa.

Ayon sa PAGASA, ang pagdaan ng Bagyong Dante at madalas na pag-uulan na kanilang na-monitor sa nakalipas na limang araw ay kinukumpirmang nagsimula na ang rainy season.

Asahan din ang madalas na mga pag-ulan kasabay ng pag-iral ng Southwest Monsoon o Hanging Habagat mula Hulyo hanggang Setyembre.


Ang mga pag-uulang dala ng Habagat ay mararanasan sa Metro Manila at kanlurang bahagi ng bansa.

Sa kabila nito, magkakaroon ng monsoon breaks na nagtatagal ng ilang araw o linggo.

Facebook Comments