Taga-Banago patay sa buybust sa Victoriss

73

VICTORIAS CITY – Kapin P2.7M ka balor sang suspected shabu ang na kunpiska sang gintingob nga pwersa sang Regional Drug Enforcement Unit (RDEU6) kag Victorias PNP pasado las otso kaina sang aga sa Zone 4, Barangay 6.

Nakilala ang suspek kay Leoner Jalandoon, legal ang edad sang Sitio Sibucao, Barangay Banago syudad sang Bacolod nga tigayon naman nga mapatay matapos nakaagom sang madamo nga igo sang bala sa iya lawas sang ini ang tuyo magbato sa mga kapulisan.


Upod man sang suspek ang iya live-in partner nga gin kilala kay Janine Cruz, 18 anyos sang Barangay 16 syudad sang Bacolod.

Nahibaluan, nga mga lima pa gid lamang ka adlaw nga naga renta ang mga suspek sa isa ka apartment sa amo nga lugar.

Nakuha sa suspek ang 101 ka sachets sang ginapatihan shabu nga ginabulubanta balor sang P2.7 milyones, buybust money nga P27,000, armas nga cal. 38 nga may 3 ka bala, isa ka hand grenade, lima ka basiyo sang 9mm pistol, digital nga kilohan kag drug paraphernalia.

Sa karon ang bangkay sang suspek ang naha ya sa funeraria de Victorias kag ang live-in partner nga babayi ang detenado sa custodial facility sang Victorias PNP.

Facebook Comments