Davao City – Paglapas sa Republic Act 11332 o “Mandatory Reporting of Notifiable Diseases and Health Events of Public Health Concern Act” ang atubangon sa usa ka lalaki sa Bansalan, Davao del Sur human kini naaresto alas 12:12 kagahapon sa udto (Agosto 8, 2022).
Sa interbyu sa DXDC RMN Davao kang Police Staff Sergeant (PSSg) Bryan Magallanes, Warrant in Charge sa Bansalan Municipal Police Station (MPS), giila niini ang dinakpan nga si alyas Yan, 40 anyos, residente sa Bansalan, Davao del Sur.
Ang warrant of arrest giisyu ni Honorable Anita Mabuti-Fernandez, Assisting Judge – Municipal Trial Courts in Cities (MTCC) 11 Branch 3 Davao City diin ang kaso adunay girekomendang pyansa nga P3,000.
“Sa Davao City ni siya nahitabo pero taga Bansalan na siya. Ang warrant diri lang gipadala kay taga diri man (siya),” sulti ni Magallanes.
Padayon ang panawagan sa awtoridad sa pagsunod sa ginapatumang minimum public health standards batok COVID-19.
RadyoMaN Kirby Manzon
Facebook Comments
