TACLOBAN CITY – Malipayon an mga taga Borongan City, Eastern Samar kay an usa han nagdaog hanPHP 1-Billion jackpot prize han Ultra-lotto 6/58 in tikang ha ira syudad.
Nahikalasan man pero kun hin-o an tawo nga nagdaog nga taga Borongan in nangangaro hira hin barato.
Pero sumala han opisyal han Philippine Charity Sweepstakes Office (PCSO), diri nira pwede igyakan an ngaran han mga nagdadaog hin lotto pero hira in nalipay nga may nakadaog na gihapon han lotto 6/58.
Ha lotto outlet han Brgy. H, han nasabi nga syudad tumaya an maswerte nga nagdaog han PHP1,180,622,508 pero magtutunga ini hira nga premyo kay may nagdaog gihapon nga taga Albay.
“Wala na, Finish na” ini naman an siring han mga tumaya han lotto nga waray swertiha nga magdaog.
Ngatananan nga lotto outlet ha Tacloban City, ha Samar, ha mga bungto han Leyte ngan ha Biliran in gin-pilihan han mga tumaraya.
Better luck, next time!
