Report ni: Jennifer Palomo Debaja
Pila ka adlaw antis paman sang paskwa, 2 ka Filipina ang dimalas nga nadulaan sang kabuhi sa Hong Kong. Ini base sa pahayag sang opisyal sang konsulado.
Sa panaysayon sang utod ni Myla Shiela Caseno Soriao, 41 anyos kag tumandok sang Brgy. Simsiman, Calinog, Iloilo, takna alas dos sang hapon sang Disyembre 1, 2018 sang nag uy-oy sa sulod sang bus si Myla samtang madul-ong kuntani sa iya ward sa tutorial class sa Fanling, Hong Kong.
Dali dali nga gindala sang nag responde nga medics si Myla sa North District Hospital sa Sheung Shui kag na admit pa ini sang 20 ka adlaw antis liwat nga nag suprer sang stroke sang Disyembre 21, 2018 nga amo ang gintunaan sang iya kamatayon.
Ginbilin sa kalisud ni Myla ang iya pamilya, mister kag duwa ka kabataan nga lalaki nga naga edad 16 kag 20 anyos.
Masobra kwarenta sang himata kag kaabyanan ni Myla ang nag offer sang prayer sa ginpatigayon nga public viewing sang iya bangkay sa mortuary sang North District Hospital sa Sheungshui sang nagligad nga domingo Disyembre 23, 2018.
Samtang isa pa gid ka 60-anyos nga Pinay ang nasapwan nga wala na sang kabuhi sa Sai Kung sang nagligad nga Huwebes, Disyembre 20, 2018. Nakit-an ang Pinay sang iya abyan takna alas 5:16 sang hapon.
Padayon pa ang imbistigasyon sang otoridad sa identity sini.
