Sa interbyu sa DXDC RMN Davao kang Police Major Janus Lumbaya Macli-ing, Chief of Police (COP) sa Mabini MPS, giila niini ang suspek nga si Manilito Linda, 42 anyos, kanhi nagpuyo sa Barangay Del Pilar, Mabini diin permanent address niini sa Montevista, Davao de Oro.
Matud ni Macli-ing nga sukad nga nailhan ang suspek sa tulis nga nahitabo sa Davao del Norte, nibalhin na usab kini og pinuy-anan.
“Nabenta na man yata nila yung (bahay) nila sa Mabini nung namukhaan sila sa CCTV. May Panabo incident kasi (ng tulis). Dito na sila na-identify,” sulti sa pulis.
Kauban niini nga nadakpan sa Butuan mao sila George Naverez, 46 anyos, Gemar Tipan, 36 anyos, ug Lloyd Banquisio, 29 anyos, pulis residente sa Banaybanay, Davao Oriental.
Nadakpan ang nahisgutan sa National highway Ampayon, Butuan City tungod sa ilang pagtulis sa usa ka negosyante nga nakuhaa og P970,000.
Gibalhog na ang nahisgutan og mag-atubang og tukmang kaso.
RadyoMaN Kirby Manzon
