Taga Dolores, Eastern samar nagbaligya hin droga ha Tacloban

352

TACLOBAN CITY – Arestado pinaagi han buy-bust operation han Tacloban City Police Nga Philippine Drug Enforcement Agency (PDEA) an 22 anyos nga lalaki nga nagbabaligya hin illegal nga droga ha Brgy. 96 Calanipawan Tacloban City.

Basi ha report han PDEA, ginkilala an suspek nga hi Jhonly Jordan Penalosa, 22 anyos, waray asawa, waray trabaho ngan residente ha Brgy. 2 Dolores Eastern Samar.

Napalit ngan narikupo tikang ha suspek an 7 nga heat sealed transparent plastic sachet han gin-aaligar shabu nga may kabug-at nga 0.21 gramo ngan nagkakantidad hin 1,428 pesos.

Sumala han PDEA, newly identified drug personality an suspek.

Maatubang hiya ha mga kaso nga sale ngan possession of illegal drugs ngan RA 9165.

Ha pagka-yana, paslak na an suspek ha Tacloban City Police Station lock up cell.

Facebook Comments