Molave, Zamboanga del Sur – Gipatay na gikawatan pa ang 50-anyos nga lalaking canvasser sa Rachel Emporium products samtang kini nahiabot sa Purok 1, Brgy. Bag-ongAriosa, Molave, Zamboanga del Sur alas 3:30 sa hapon kaniadtong nakalabayng adlaw.
Gumikan sa kahilit ug kadanlog sa nga mokapin sa 40 kilometros ang gilay-on gikan sa Molave Police Station alas 5:30 sa hapon na naka-abot ang niresponde nga kapulisan sakay sa Army Jeep sa LGU-Molave.
Giila ang biktima nga si Dionesio Omayao Jr. alias Tatay, 50-anyos, residente sa Upper Sta. Cruz, Lala, Lanao del Norte nga naabtang nagbuy-od na dapalin sa kalsada nga nakahiagom sa duha ka samad pinusilan nga maoy hinungdan sa hinanali nga kamatayon.
Sa inisyal nga imbestigasyon nasayran nga alas 2:00 gimaneho sa biktima ang Kawasaki Bajaj sa bisinidad Brgy. Bag-ong Ariosa, Molave ug nagsunod niya ang iyang kauban sa trabaho nga sila si Roberto Montejo ug Donald Miñoza sakay sa laing motorsiklo nga gipanag-iyahan sa kompanya.
Sumala sa kauban sa biktima ila nalang nakit-an nga patay na ang biktima pipila ka oras human silang nakabati og buto sa armas.
Gumikan sa kahadlok nanagawan sila paingobn sa balak ni Brgy. Chairman Genaro Sarsaba ug nagpa-abot nga moresponde nga kapulisan.
Duda ang mga kauban sa biktima nga ang suspek sa pagpamusil mao ang gikalalis sa biktima alas 12:00 udto partikyular sa balak ni Joey Manayanalso nga nahimutang usab sa maong Barangay.
Nakuha sa crime scene ang bala sa Calibre 45 nga pistola.
Personal nga bangi ug pagpanulis ang gisundan nga motibo sa kapulisan ilabina nga nahanaw ang kwarta sa biktima nga mokantidad sa 5 mil pesos.
Naghimo na og makuti nga imbestigasyon ang otoridad alang sa pag-ila ug pagsikop sa nisibat nga suspek.
