TACLOBAN CITY – Ngada yana, diri la gihap matuod-tuod para han usa nga 27 anyos an iya pagdaog ha Smart Amazing 25 raffle promo kun diin mayada premyo nga P25 million.
Tikang han pobre nga pamilya ha probinsya han Leyte an maswerte nga milyonarya.
Matapos an paglasurbo han Super typhoon Yolanda haros pati mga paglaum in ginlasurbo na gihapon. Kasiring han 27 anyos in waray na paglaum an ira kabutang.
Hiya an napili ha milyon nga subscribers han Smart nga umapi ha pa-raffle ha simple nga pag-dial ha *121#, ngan pilion an AMAZING 25 ha ira menu ngan magpapadayon ha mga steps para makompira an registration.
Nagpadara ha iya hin surat an smart nga nagsisiring nga nagdaog hiya ha Smart Amazing 25 raffle promo. Waray anay hiya tumuod tungod nga kasiring niya nga scam la.
Iya gintistingan pagtawagi an numero nga nakadto ha surat para makompirmar nga hiya an nagdaog han nasabi nga raffle promo.
Dida han mga nakalabay nga adlaw, iginbiyahe han Smart an maswerte nga milyonarya ngadto ha PLDT headquarters ha Makati City kun diin iya nakarawat an cheque tikang kan PLDT-Smart chair, chief executive officer and president Manuel V. Pangilinan.
Maiha na nga subscriber an winner ha Smart.
Igintago han Smart an identipikasyon han winner para han iya seguridad.
