Report ni: Jennifer Debaja Palomo
Nagtaliwan na ang Ilongga nga na comatose sang domingo sang gab e sa Singapore General Hospital matapos natumba kag nag suprer sang Aneurysm.
Takna alas 9:30 kagab e sang gindulaan sang hulam nga kabuhi si Ailen P. Bangha on, may bana kag 2 ka kabataan sang Barangay Jaguimitan , Passi City kag naka pamana sa Guimaras.
Suno sa kaingud kag abyan sini nga si Mira, una nga nagreklamo si Ailen sang pagsakit sa tiil sini 2 ka bulan ang nagligad asta binudlayan na maglakat. Ginreklamu niya man sa mga amo apang wala man dayun ginpa doktor.
Dugang pa ni Mira, nag suggest na mismo ang iya amo nga sila na ang madala sa doktor kay Ailen apang namalibad ang Ilongga tungod natahap ini nga ma offend ang amo.
Una nga nag abot sa Singapore sang Martes ang hinablos ni Ailen kag gina ekspetar nga maga abot ang bana sini subong nga adlaw apang imbis atipanon niya ang asawa sa ospital , bangkay na sini nga dal on si Ailen pauli sa Iloilo.
Nahibaluan nga bag o lang nag graduate ang kamagulangan nga anak ni Ailen kag naka skedyul na kuntani ang bakasyon sini sa Pilipinas sa subong nga Hulyo 20 tubtob Agosto 20.
