PALO, LEYTE – Diri upod an Region 8 ha ginpatuman nga Dengue Vaccine Program han Department Of Health pero basi ha report han DOH Region 8 nga mayada sumatotal nga 9 nga taga Eastern Visayas nga naturukan han dengue vaccine.
Ini nga 9 in taga Tacloban City, Catbalogan Samar, San Isidro Northern Samar, Julita, Dulag, Ormoc, ngan Tanauan, Leyte nga may pangidaron 11-16 anyos.
Sumala kan Dr. Minerva Molon, Regional Director han DOH-8, 7 ha 9 nga mga naturukan han dengvaxia in ha Region 3, 4-A, ngan NCR, duha naman dinhi an naturukan ha Eastern Visayas pinaagi han ira mga pribado nga pediatrician.
Ha syam nga naturukan hin dengvaxia vaccine, in unom ini ha ira an na-admit ha hospital dinhi ha rehiyon nga may diagnoses nga mild dengue symptom.
Ha pagkayana in padayon nga gin-momonitor han DOH pinaagi han mga tagsa-tagsa nga Rural Health Unit ha mga nabiktima nga naturukan han dengvaxia ngan gin-aaligar nagkasakit mahitungod hini.
