Ang pinay OFW nga nakit-an sa sulod sang freezer sa isa ka abandonado nga apartment sa Kuwait, nakilala na gid man.
Suno kay Labor Secretary Silvestre Bello lll, sa DNA test nga ginpatigayon naggwa nga ang napatay amo si Joanna Daniela Dimapilis, OFW halin sa Sara, Iloilo.
Sa impormasyon nga nakuha, naga trabaho si Dimapilis sa isa ka Lebanese nga lalaki nga may asawa nga Syrian kag naga arkila lang sa apartment kon sa diin nakit-an ang bangkay. Suno sa pagpangusisa sang mga otoridad nga ginpahalin sang tag-iya sang apartment ang mag asawa bangud wala nagabayad sang renta masobra na isa ka tuig ang nakaligad.
Ang bangkay ginapatihan nga mga isa na ka tuig nga ginsulod sa freezer bag-o ma diskubrehan. Madamo sang mga pasa kag inagyan sang pagkastigo kag kuga ang lawas sang biktima nga ginapatihan nga ginkabangdan sang iya kamatayon. Dugang pa diri nga gin report nga nadula sang mga duha na ka adlaw ang biktima antes pa man nagbiya sa pungsod Kuwait sadtong 2016 ang mga amo sang Pinay OFW.
Ang Lebanese nga amo ni Dimapilis ang mas sari-sari man nga kaso lakip na ang nag umpok nga cheke. Nagapangayo na sang bulig ang gobyerno sang Kuwait sa Interpol para matultulan ang ginapanaguan sang lalaki nga amo subong ang ginakabig nga suspek sa pagpatay kay Joanne Daniela Dimapilis nga taga Sara, Iloilo.
