Davao City – Angayan lang ipagawas ang resulta sa imbestigasyon sa sunog sa NCCC Mall ug ibutyag sa publiko kun si kinsa manubag sa maong insidente nga nikalas sa 38 ka kinabuhi sa mga call center agents kinsa na-trap sulod sa maong mall niadtong Disyembre 23, 2017.
Sumala ni Betty Cabasares sa Kinaiyahan Foundation nga usa sa manubag ang Bureau of Fire Protection (BFP) gumikan sa kakulangon sa pag-inspeksyon ug wala pag-istrikto sa pagpatuman sa balaud aron dili subling mausab ang maong insidente.
Giingon ni Cabasares nga dili lang ang taga-BFP dunay tulobagon apan lakip usab adunay responsibildad ang management sa NCCC Mall gumikan sa klarong pagpabaya.
Gipadangat ni Cabasares ngadto sa tanang Dabawenyo nga gikinahanglang ipatuman ang fire safety ilabi na pagpahinumdom sa mga residente nga sa kanunay magmaigmat.
RadyoMaN Don Pulayao
