Davao City- Angay lang nga muhimo og legal nga aksyon ang pamilyang Duterte aron patubagon sila Broker Mark Taguba ug Senador Sonny Trillanes sa damyos nga ilang gimugna ngadto kanila.
Sumala ni Davao City 3rd District Councilor Bernard Al-ag, angay ikunsidara sa pamilyang Duterte ang pag sang-at og asunto batok nila Trillanes ug Taguba human gilambigit sila Vice Mayor Paolo Duterte ug Atty.Manases Carpio sa suhulan sa Bureau of Customs.
Suma ni Al-ag nga dili buot pasabot nga gibakwi ni Taguba ang iyang akusasyon kang Pulong ug ni Mans wala na siya’y tulubagonon sa balaod sanglit nabulingan na ang reputasyon sa duha.
Sigun sa konsehal, ang pagpangayo og pasylo sa broker nagpasabot nga dili tinuod ug wala mubarog ang iyang alegasyon gumikan sa ka walay basehan.
Magsilbi na unta kini nga leksyon sa broker ug kang Trillanes nga dili magpataka og litok og pangan sa usa ka tawo hilabi na sa opisyal kung hearsay man lang ang bitbit nga basehan.
Alayon niini, gikalipay ni Councilor Al-ag ang pagka-abswelto ni Vice Mayor Pulong ug ni Attorney Carpio sa kontrobersiya sa BOC busa wala na gikinahanglan mutambong pa sa imbistigasyon sa senado ang duha.
Nasayran, nagpagula og suwat si Taguba pinaagi sa iyang abogado nga si Attorney Raymund Fortun ug nagtataw nga wala niya gidalahig sa suhulan sa BOC ug shabu shipment gikan China sila Pulong ug Mans karong lang adlawa.
Kasamang Joel Viray
