Davao City – Dili pa makonsidera nga ‘investment-related’ ang insidente sa paglabay og granada sa usa ka balay sa Purok Dalia, Brgy. Visayan Village, Tagum City, Davao del Norte, pasado alas-10 kagabii.
Sa interbyu sa DXDC RMN Davao kang Police Captain Anjanette Tirador, spokesperson sa Tagum PNP, gikumpirma niini nga nagapadayon pa ang imbestigasyon sa kapulisan labot sa paglabay sa gituohang MK2 fragmentation grenade sa maong panimalay.
“Sa investigation, blangko pa ang motibo sa kapulisan ug nagasubay pa sila sa area kung naay possible nga CCTV camera,” saysay ni Tirador.
Apan gikumpirma ni Tirador nga gipanag-iyahan ang maong balay ni Fredelyn Abregoso Cuba anak ni Freddie Abregoso, chief executive officer (CEO) sa PLC investment scheme.
Nasayran wala usay casualty nga natala human nga walay tawo ang maong atol sa insidente.
RadyoMaN Kirby Manzon
