Davao City – Gikumpirma sa Tagum City, Davao del Norte health official nga anaa na sa ‘second wave’ sa Coronavirus Disease 2019 (COVID-19) ang Tagum City.
Sa Facebook post ni Dr. Arnel Florendo, Tagum City health officer, anaa na sa second wave sa COVID-19 ang lugar ug gilaumang mutaas pa ang kaso sa virus sa sunod semana.
Matud ni Florendo nga wala pay community transmission nga natala sa lugar. Kontrolado usab matud pa ang sitwasyon ug gipangandaman ang mga muabot nga stranded Overseas Filipino Workers (OFWs) nga musulod sa dakbayan.
“In case some of you haven’t noticed, we are now on our second wave and we expect our cases to go up next week. We are not in the clear yet. We do not have community transmission for now and we would like to keep it that way. So please, taper down your activities. We need your cooperation,” post ni Florendo.
Sa interbyu sa DXDC RMN Davao kang Tagum City Mayor Allan Rellon, padayon ang ilang kampanya ug pag-awhag sa ilang mga residente nga tumanon ang mga measures nga ginapatuman batok COVID-19.
RadyoMaN Kirby Manzon
