Davao City – Kapin 500 ka mga atleta gikan sa Tagum City ang kasamtangan anaa sa San Roque Elementary School, Davao City diin nangandam sila alang sa DAVRAA 2018.
Hugot gibantayan sa security forces ang seguridad sa mga atleta hinuon natubag ang ilang mga panginahanglanon sama sa tubig, pagkaon ug ang ilang katulgan.
Samtang nahinabi sa DXDC RMN Davao si Ruth Eliezer Alcazar, coach sa baseball diin matud pa ilang naangkon ang kadaugan sa game 1 batok Davao Occidental nga gipahigayon sa Calinan District ning dakbayan.
Dugang ni Alcazar nga ilang paninguhaon nga makuha ang rank 1 sa baseball sa official game.
Ugmang adlawa gikatakda ang grand opening sa DAVRAA 2018 nga ipahigayon sa UM Matina Campus, Davao City.
RadyoMaN Don Pulayao
Facebook Comments
