Davao City – Gipangpaslak sa detention facility ang tulo ka mga drug suspek kinsa mga nadakpan sa buy bust operation sa Philippine Drug Enforcement Agency Regional Office XI sa Block 6, Lot 10, Esmeralda Homes, Purok 1, Barangay Canocotan, Tagum City, Davao del Norte.
Gibutyag sa PDEA XI, malampuson nilang nadakpan sulod sa gituohang drug den ang target sa operation nga giilang si Caunda Disomimba Abdallah, 45 anyos human kini mapalita’g shabu nga mobalor sa P10,000 sa poseur buyer.
Arestado usab ang kauban niining drug den maintener nga si Rea Mia Abdallah ug drug den visitor nga si Samuel Briones samtang na-rescue ang minor de edad.
Mokantidad sa P135,000 ang nasakmit nga shabu ug assorted drug paraphernalia.
Gibutyag ni PDEA XI Regional Director Aileen Lovitos, kasong paglapas sa RA 9165 ang atubangon sa mga dinakpan samtang ang batang narescue iturn-over kini sa Tagum City Social Welfare Development Office.
RadyoMaN Aimee Guinita
Facebook Comments
