Matud pa ni Uy sa official FB post niini nga bisan sa kalisod ug sa sunod-sunod nga linog, nagpabiling buhi ang espiritu sa pagtinabangay pinaagi sa pagtunol og hygiene kits ug construction materials alang sa mga residenteng apektado.
Lakip sa gipang-apod-apod sa Lokal nga Panggamhanan sa Tagum mao ang 5,000 bags of cement, 1,000 ka marine plywood, 1,812 sheets nga atop, 300 kilos nga umbrella nails, 80 boxes ka common wire nails, 12,480 ka laundry soap, 11,340 ka sabon panligo, 10,080 ka toothbrush, 1,870 ka sanitary pads, ug 4,919 ka toothpaste.
Nagpadayag sab, matud pa, si Mayor JM Dayanghirang og dakong pagpasalamat sa suporta nga nadawat gikan sa Tagum. Gani, bisan pa man sa mga kalisdanan, nagpabiling lig-on ug madasigon ang mga taga-Manay alang sa paspas nga pagbangon uban sa tabang ug pag-ampo sa tibuok Davao Region.
RadyoMaN Kareen Beltran
