Tagum City – Nag-una ang Tagum City, Davao del Norte sa report sa Department of Health (DOH-XI) nga adunay pinakataas nga ihap sa COVID-19 active cases sa May 29, 2021.
Gibutyag ni Dra. Annabelle Yumang DOH XI Regional Director, adunay 2,960 ka mga pasyente sa COVID-19 ang naka-confine sa nagkadaiyang mga pasilidad ug hospital sa rehiyon.
“Gikan sa May 23-29 kini ang pinakadaghan nga kaso nga nag-record kini og about 1,772. Kung atong makita musulod gyod ta sa more tag-200 ang atong mga kaso kada adlaw,” sumala niini.
Gipagawas sa DOH XI, ang top 10 areas sa pinakadaghang active cases diin ang Tagum City, Davao del Norte adunay 238 cases, Digos City 137, Sto. Tomas, Davao del Norte 136, Panabo City, Davao del Norte 100, Barangay Bucana 73, Barangay Matina Crossing 59, Sasa 55 samtang Talomo Proper , Davao City 54, IGACOS 51 ug Pantukan 50 ka mga kaso.
Sumala ni Yumang, mosumada na sa 27, 571 ang kaso sa COVID-19 sa Region XI, diin niadtong 2020, 12, 589 ang mga kaso samtang sa pinakaulahing report sa May 29, 2021, 14, 982 ang mga confirmed cases.
RadyoMaN Aimee Guinita
