Ang biktima giilang si Janeth Canalija Lerado.
Sa interview sa DXDC RMN Davao kang Police Lieutenant Evelyn Tidula, ang Public Information Officer sa Tagum City Police Station, iyang gibutyag nga gahapon sa buntag, May 20, gi-release na sa ilang buhatan ang driver sa truck ug nakig-negotiate na matud pa ang kumpanya ngadto sa pamilya kung unsa ang mamahimong settlement sa duha ka kampo.
“Nakaresponde ang taga CDRRMO pero wala na nila nadala pa sa ospital kay nakita naman nila nga patay na gyud. Ganiha around 10 am [May 20, 2024] gi-release ang naa diri nga driver sa vehicle 2 [truck]. Right now, nakig-negotiate na ang company guro sa truck sa pamilya sa namatay,” saysay ni Tidula.
Subay niini, dili gihapon madawat hangtod karon sa pamilya ang gidangatan sa ilang kabanay. Sa post sa kapamilya niining si Shaijeron Lerado Cercado, walay kabutangan ang ilang gibating kamingaw ug kasakit ilabi na nga kabalo matud pa sila nga dili na gyud mabalik pa ang kinabuhi niini.
RadyoMaN Ivy Parido
