Davao City – Kasong kriminal ug administratibo ang atubangon karon sa usa ka pulis kinsa gikatahong nagpabuto og pusil sa pito ka higayon atol sa pakiglalis niini sa iyang uyab nahitabo Dominggo sa hapon, Pebrero 17, sa Prk. 9 Shrine Hills, Matina ning syudad sa Davao.
Sa interview kang Davao City Police Office (DCPO) director P/Sr. Supt. Alexander Tagum, gibutyag niini nga mag atubang sa kasong alarm and scandal ug violation of the Omnibus Election Code on Gun Ban si PO1 Glonard Bryan Maneja, 31-anyos, sakop sa Mobile Patrol Group.
“On-going na yung pre-charge investigation against him because our ultimate aim is for his dismissal from the service,” segun niini.
Segun ni Tagum nga hinabion usa nila ang ka live-in partner sa suspek kung buot usab niini magpasaka og kasong kalapasan sa Violence Against Women and Children (VAWC).
Samtang sa pakighinabi kang PO1 Maneja, giingon niini nga personal ang problema niini tali sa iyang uyab ug wala na mihatag og dugang pang detalye apan nagmahay kini sa iyang nabuhat sanglit nagpadala kini sa iyang gibati.
Kaganiha gihatod na sa DCPO ang maong pulis diin gikasab-an ni Tagum bahin sa iyang nabuhat diin kini didto i-detain.
Pagpaklaro ni Tagum nga dili kini ang unang higayon nga adunay nalambigit nga pulis sa indiscriminate firing sanglit aduna usab nanutok og pusil sa milabay’ng tuig kinsa gikatakdang i-dismiss.
“Meron na kaming na-sample-an last year na isang pulis rin na nalasing, nanutok ng baril, at ngayon ay nahaharap ng kaso at for dismissal na rin siya at itinapon na namin siya admin holding center ng PRO-XI preparatory sa kanyang dismissal from the office,” saysay ni sa hepe sa DCPO.
RadyoMaN Jason Amisola
