Davao City – Gi-graduhan og very excellent ni City Disaster Risk Reduction Management Office Chief Alfredo Baluran si outgoing DCPO City Director Police Col Alexander Tagum sa pagdumala niini sa kahusay ug kalinaw sa syudad sa Davao.
Sumala ni Baluran nga dakong hagit sa incoming DCPO City Director Police Col. Kirby Kraft nga mulingkod karong Biyernes nga i-duplicate ang maayong pagdumala ni Col. Tagum sa peace and order program sa lokal nga kagamhanan ubos sa liderato ni Mayor Inday Sara Duterte-Carpio.
Matud ni Baluran nga dalaygon ang gipakitang suporta ni Police Col Tagum sa CDRRMO diha sa pagpangandam sa kalamidad pinaagi sa pagmuntar og disaster team matag presento sa kapulisan ubos sa DCPO.
Nagtuo usab si Baluran sa kapasidad ni incoming DCPO Police Col. Kraft nga matupngan o malabwan pa ang agi ni Col. Tagum tungod kay dili usab mabentahan og track record niini diin na destino na usab sa mga nagkadaiyang rehiyon sa nasod.
RadyoMaN Erin Lumosbog
