Kini ang nahimong tubag sa mayor atol sa media interview kalabot sa preventive suspension order nga gisilbi sa Department of the Interior and Local Government (DILG) XI ngadto kang Davao del Norte Governor Edwin ‘Kuya Gob’ Jubahib.
“No one is above the law. Dawaton na lang. Take it and be a gentleman. Luoy kaayo ang mga gaprotesta. Dawata. What is 60 days? Kung ako ana? Ba-bye, bakasyon ko. Makapahuway akong utok with all the problems,” pamahayag pa ni Uy.
Ug karon nga gituboy isip Acting Governor si Carlo ‘Oyo’ Uy, nagtuo ang mayor nga mao kini ang nakalatid na sa balaod nga automatic mu-fuction isip replacement ang nagsunod niini sa posisyon.
Samtang gipasabot sab ni DILG XI Regional Director Abdullah Matalam nga ang maong order gikan sa opisina sa Presidente ug mituman lamang sila sa proseso sa ilang trabaho.
RadyoMaN Ivy Parido
