Davao City- ‘Generally Peaceful’, mao kini ang giingon ni Davao City Police Office Director Police Senior Superintendent Alexander Tagum sa estado sa seguridad sa dakbayan sa Davao atol sa pag obserbar sa Kalag-kalag karong adlawa.
Atol sa iyang pagbisita sa Davao Memorial Park, miingon kini nga wala kaayoy natala nga mga bug-at nga krimen nga nagapanghitabo karon sa mga sementeryo ug sa tibuok syudad sa Dabaw.
Dugang pa niini ang mga kapulisan karon sa dakbayan padayong nagbantay sa seguridad sa matag sementeryo sa Davao City.
Matod pa ni Tagum magpabilin ang mga kapulisan sa mga sementeryo hangtod Nobyembre tres.
Panawagan ni Tagum sa publiko nga magpabiling alerto ug ireport sa kapulisan kung aduna may makit-ang krimen ug suspisyoso nga kalihokan.
RadyoMan Abi Bibera
