Sa interbyu sa DXDC RMN Davao kang Police Lieutenant Colonel Jeffrey Latayada, Acting Chief of Police sa Tagum City PS, giingon niini nga aduna na silay ginatutokan nga mga personalidad nga posibleng adunay kalambigitan sa insidente.
Matud ni Latayada, aduna nay personalidad nga posibleng responsable sa pagpatay sa usa ka 9 anyos nga babae nga napalgan sa Barangay Apokon niadtong Abril 20, 2023 ug sa 18 anyos nga babae nga napalgang patay sa Barangay Magugpo North sa dakbayan niadtong Abril 25, 2023.
“Naa na tay gi-develop nga mga personality. Naa man goy bag-ong circular ang DOJ (Department of Justice) sa mga prosecutor regarding sa filing sa kaso. Naa nay personalities nga na-identify,” sulti ni Latayada.
Sa pagkakaron, gipakusgan pa sa Tagum City PS ang ilang police visibility sa syudad aron nga malikayan ang mga insidente.
Giawhag usab sa police official ang Tagumeños nga i-report ang mga kadudahang tawo ug aktibidad sa palibot aron kini gilayong maaksyonan.
RadyoMaN Kirby Manzon
