Sa interbyu sa DXDC RMN Davao kang Police Lieutenant Colonel Jeffrey Latayada, Acting Chief of Police sa Tagum City PS, gisulti niini nga atol sa pagresponde sa ilang personahe, nakita na lamang ang patay’ng lawas sa biktimang si alyas Romie, hamtong, taga Laak, Davao de Oro, diin gigunitan pa niini ang .38 caliber pistol.
Sa inisyal nga imbestigasyon, gisaysay sa kauban sa trabaho sa biktima nga si Vince nga aduna problema si Romie ug human sa ilang pag-inom alas 3:00 sa kaadlawon, didto na nahitabo ang insidente luyo sa iyang pagdasig kaniya nga dili magpadala sa problema.
“Mura’g nakadungog man gud ‘ni siya’g sakit nga istorya sa iyahang family. Unya siguro nagka-depression. So, mao ‘to, nagkainom man ‘ni sila. Kadtong nahubog na siya, mura’g didto na sya nagdesisyon (nga maghunos sa kinabuhi),” saysay sa pulis.
Kung aduna kay kaila o ikaw mismo anaa sa risgo sa paghunos sa kinabuhi, available 24/7 ang hotlines nga maghatag og mental health crisis intervention.
Mamahimong ma-contact ang National Center for Mental Health pinaagi sa USAP Hopelines: 0917-899-8727 (USAP) 7989-8727 (USAP) Hopelines 0917-558-4673 0918-873-4673 8804-4673 2919 (toll-free for Globe/TM).
RadyoMaN Kirby Manzon
