Davao City – Blangko pa gihapon ang kapulisan sa Tagum sa identity sa gipusil-patay nga Guest Relations Officer kun GRO nga nagtrabaho sa usa ka bar sa Tagum City.
Gibutyag ni Tagum PNP spokesperson Police Captain Anjanette Tirador nga nalisdan sila sa pagpangalap og mga saksi sa pagpatay sa limitadong impormasyon sa biktima nga si alyas Jane nga taga-Bukidnon.
Giawhag ni Tirador ang mga adunay impormasyon sa insidente nga mupatim-aw apan gipaniguro sa mga awtoridad nga confidential ang ilahang mga pamahayag alang kasolbaran sa maong krimen.
“Lisod-lisod gyod siya una dinhi ta maglisod sa witness kay dili bya gyod mu-roll ang case kung walay strong nga witness sa panghitabo,” segun ni Tirador.
Gikanayon ni Tirador nga wala usab nakig-kooperar kanila ang gitrabahuang bar sa biktima.
RadyoMaN Aimee Guinita
