Davao City – Personal nga dumot ang gilantaw karon nga motibo sa kapulisan sa Tagum sa pagpusil-patay sa kanhi cameraman sa Davao Del Norte Provincial Information Office nga si Reymond Faciol.
Sa interbyu sa RMN Davao kang Tagum City Police Office spokesperson Police Capt. Anjanette Tirador padayon silang gapangalap og mga saksi sa insidente nga natigayon gawas sa apartment sa biktima sa may Barangay Mankilam, Tagum City pasado alas-5 sa hapon adlawng Dominggo.
Matud kang Tirador nga ginakumpirma pa usab karon ang ilahang nadawat nga impormasyon nga adunay death threat ang cameraman.
Ginasusi usab karon ang narekober nga cellphone sa biktima.
Gipatin-aw usab sa Tagum Pnp nga walay kalambigitan sa investment scheme ang pagpusil patay kang Faciol.
Gikumpirma ni Tirador nga gikuha na sa pamilya sa biktima ang patayng lawas niini.
RadyoMaN Aimee Guinita
