Sa interbyu sa DXDC RMN Davao kang Police Lieutenant Colonel Edgardo Bernardo, Acting Chief of Police sa Tagum City Police Station, gibutyag niini nga aduna nay permit gikan sa Local Government Unit (LGU) Tagum ang mga musalmot sa maong rally.
Matud ni Bernardo, full force ang Tagum City PNP ug ang dugang police personnel gawas sa Tagum alang sa ipatumang sa seguridad. Wala pay palabot niini ang Traffic Management Unit (TMU) ilabi na nga adunay motorcade nga himuon ang grupo.
“May permit naman po (sila). Ang sa atin naman po is huwag maantala yung flow ng traffic. Tapos peace and order. Yun po yung concern ng PNP po,” sulti ni Bernardo.
Sa pakigsulti sa PNP official sa organizer, adunay motorcade nga ipahigayon ang grupo ayha sila magtigom sa Rotary Park sa Barangay Magugpo, Poblacion alang sa ilang programa.
Nasayrang mulo sa grupo ang dili maayong serbisyo nga ginahatag sa maong electric company, ug buot nila kining mailisan.
RadyoMaN Kirby Manzon
