Davao City – Abli ang Davao City Police Office nga muasister sa publiko kung aduna silay reklamo batok sa mga barkers o mga dili awtorisadong mga dispatchers dinhi sa syudad.
Sa interbyu sa RMN Davao kang DCPO head Police Col. Alexander Tagum nga kung buot nilang mapahamtangan gayod og silot ang mga abusadong dispatchers kinahanglang mupasang-at sila’g mga formal complaints.
“Kung walay complainants coming from the public or from the victim themselves then our local police cannot come up or maghimo-himo mi’g basta-basta nga criminal case against these people. Maskin unsa pay himuon ninyo o mag-ingon mo sa social media nga unsay ginahimo sa mga local police nato nganong dili ma-control ang mga dispatchers but remember kinahanglan gyod nato og complainants,” segun ni Tagum.
Gibutyag ni Tagum nga atol sa ilahang Oplan Anti-Passenger/Public Utility Jeep Barker sa pipila ka areas sa Davao City, kapin sa 12 ka mga barkers ang giimbitahan sa istasyon sa pulis apan gi-release gilayon kini human ma-profile.
“Kung wala sila na-timingan nga akto nga nagapangayo og kwarta sa mga driver ug kung walay driver nga willing mag-file og kaso then wala miy mahimo kundili amoa silang i-profile, para eventually kung naay mag-reklamo nga mga drivers ug operators then already identified these people,” matud ni Tagum.
RadyoMaN Aimee Guinita
