Davao City – Mas nidoble ang security deployment sa dakbayan sa Davao pinaagi sa police visibility sa kapulisan ug sa suporta nga gihatag sa mga Police Auxiliaries.
Sa pakighinabi sa media kang Davao City Police Office (DCPO) Director P/Sr. Supt. Alexander Tagum, gibutyag niini nga dako’g papel ang mga Police Auxiliaries dili lamang sa panahon nga mag pahigayon og mga Strategic Operational Programs sama sa Oplan Kalinaw apan dugang intelligence source usab kanila.
“They are also our added intelligence source because they themselves are members of our community so mao na ning ginatawag nga effective community empowerment,” segun ni Tagum.
Gipasabot niini nga kung unsa man ang madunggan ug maobserbahan nga gikadudahan sa kaparyentehan ug pamilya sa usa ka Police Auxiliaries, siguradong maabot sa buhatan sa DCPO.
Sumala sa City Director, adunay lima ka mga Police Auxiliaries ang ginadeploy sa 182 ka mga barangay sa syudad sa Davao.
Sa pagkakaron, dili muubos sa lima ang nawagtang sa pagka-Police Auxiliary gumikan sa pag-Absent Without Official Leave (AWOL), pagpangabuso ingon man pagka-incapable niini.
RadyoMaN Jason Amisola
