Sa interview sa DXDC RMN Davao kang Guadalquiver, gisaysay niini nga gigahinan gyud niya og dakong panahon ug sakripisyo ang pag-review apan daw nawala tanan niyang paglaom sa ulahing adlaw sa exam tungod sa lisod nga subject.
“Surreal siya, overwhelming sa akong part kay di gyud basta-basta ang result migawas. Kay maskin ako wala nakatuo kay lagi sa last day, nawad-an kog pag-asa, naluya ko kay mao natoy pang-last nga subject, mao pay mibira namo pababa. Wala pud ko nag-expect nga sa pag gawas sa result, napasok gihapon ko sa top 10. Pasalamat gyud ko sa taas kay iya kong gitugotan nga makasulod sa top 10,” matud ni Guadalquiver.
Gani dako iyang pasalamat sa Labaw nga Makagagahum, sa iyang pamilya, review center, alma mater ug higala sa walay puas nga suporta aron sa hinay makab-ot ang mga pangandoy sa kinabuhi.
Sa karon, ginaplastar pa ni Mark ang iyang plano nga buhaton o sudlong dalan human makuha ang titulong registered criminologist.
RadyoMaN Ivy Parido
