Gikan sa pagpanglungkab sa ATM machine sa usa ka mall niadtong Setyembre, gitulis nga estudyante sa terminal niadtong Oktubre, nagpaka aron ingnon nga tindero ug nanglimas og kwarta sa usa tindahan niadtong Nobyembre ug ang tulis sa usa ka gas station, cellphone shop ug hub nga nisugat sa buwan sa Disyembre.
Komento pa sa usa ka Lheng Campo nga luag ra kaayo ang seguridad sa Norte, permi masalisihan ang mga pulis maong hangtod karon wala pay nadakpang suspect.
Apan tubag pa sa Tagumenyong si Angelo Sanico nga dako kaayo ang Tagum City ug kulangon ra ang mga kapulisan nga mao ray bantayan sa mga tulisan.
Butyag pa sa kadaghanan nga karong kapaskohan angayang magtagtag og mas daghang security forces aron luwas man lang ang selebrasyon sa holiday season.
Hinuon sa pakighinabi sa DXDC RMN Davao kang PLtCol. Jeffrey Latayada, Chief of Police sa Tagum City PNP, walay undang ang ilahang pagpaningkamot aron nga masulbad ang mga krimen pinaagi sa pagpakatag og kapulisan, force multipliers ug mga tanod sa crime prone areas.
