Kini ang gibutyag ni City Veterinarian’s Office(CVO) OIC, Dr. Corazon Sepulveda atol sa pakighinabi sa DXDC RMN Davao diin nahisubay usab sa gipagulang bulletin sa Bureau of Fisheries and Aquatic Resources (BFAR-XI).
Dugang pa niini nga kung ugaling adunay supply nga muabot sa dakbayan i-check matud pa kini sa red tide laboratory ug mag-perform og mice bio-essay ayha pa madeklara nga luwas na kin inga ikonsumo.
Sa interview usab kang Focal Person for HAB monitoring, Sajeda Canobas sa Bureau of Fisheries and Aquatic Resources (BFAR XI) gibutyag niini nga walay magbag-o sa sa hulagway ug lasa sa tahong kung magpositibo kini sa toxin.
Dugang pa niini nga mas maayo nga masayod ang katawhan kung asa naggikan ang mga tahong nga ginakonsumo aron usab luwas kita sa bisan usang sakit nga makuha gikan niini.
Lakip sa mga gina-monitor karon ang Mati Balite Bay, Malalag Bay, Davao del Sur ug Tagabuli Bay, Sta Cruz
Sa pagkakaron, padayon gihapong gina-monitor sa CVO ang sitwasyon pinaagi usab sa pakig-alayon BFAR-XI.
RadyoMaN Kareen Beltran
