TakenSingle.com | "Patas-i Ang Pasensya Sa Panahon Nga Lisud Siyang Sabton"

181

PASIUNA NI DJ MAIKEE UG DJ BOY

Kining maong episode karong semanaha sa TakenSingle.com kabahin kini sa kasinatian nga gipadangat sa programang i Confessions (9:00 PM – 12:00 MN) nga gidala ni Dj Oyo Tan. Kaming Dj Maikee ug Boy anaay pipila ka mga pagtulon-an nga gustong ipa-ambit kaninyo human namong nabasa ang maong suliran ug mao kini:

  1. Patas-i ang pasensya sa panahon nga lisud siyang sabton.

2. Agaka siya sa panahon nga mapakyas siya.

3. Ikaw ang mamahimo niyang kusog panahon sa iyang kahuyang.

 

PROBLEMA GIKAN NI CELIA

Idol ang programang iconfessions, dili nalang kutob sa radio available na pud ta online! Mga idol sa matag Huwebes mogula ang mapilian nato nga confessions of the week kung asa mahimo pa natong matambagan ang nagpadala sa atong programa. Sa karun nga semana napilian nato ang storya ni Celia nga nahimong hot topic gyud sa gabii nga gi-onair ang iyang storya, basaha sa ubos idol ang iyang storya og tambag sa atong mga idol atong kagabhiona.



 

Aired: July 18,2018
Sender: +639*******480

 

“Maayong gabii Dj Oyo. Ako diay si Celia, 31 yearsold nga taga Mandaue City. Ganahan lang ko mo express karun sa sitwasyon namo sa akong husband.”


 

“Naluoy namn gud ko niya dj human pila na ka beses nga napakyas ang iyang mga negosyo- looy og sakit sad sa bulsa dj ang kining human sa pila ka tuig ma wala napud ang imong gisugdan nga negosyo kay hinay nakini og grabe pud ang kompetensya.”

“Kini akong husband nangempleyado ni siya pero ang iyang pangandoy gyud mao gyud ang makaangkon og iyang kaugalingon nga negosyo mao nang human mi naka-ipon sa among pagpanarbaho niundang siya ug nagtukod og bakery. Pero nidangat lang ang 3 ka tuig nawala kini dayun. Nagnegosyo mi sa merkado og gamay nga pwesto nawala rasad dayun human ang tuig. Karun nga online-based napud ang amuang gisudlan nga negosyo apan wala gyud gihapon.”

 

“Makita gyud nako nga na stress ang akong bana. Gusto unta nako siyang tabangan pero wa sad ko kahibalo unsay pwede nako nga matambag sa iyaha. Hinaot nga mahatagan ko ninyo og katin-awan karon.”

 

TAMBAG NI DJ OYO

Hello ma’am Celia pagkapait ining kasinatian nga nahiaguman sa imong bana. Mga dili na maihap nga kapakyasan sa negosyo ilabi na nga ang iyang tumong lang gyud unta ini mao ang masiguro nga komportable mo isip pamilya ug kining naa moy makuhaan nga income sa inyong mga inadlaw adlaw nga panginahanglan.

Maam celia sa duwa sa pagnegosyo dili gyud na mawala ang kapakyasan. Aduna gyud mga higayon nga dili mahimong malungtaron ang usa ka negosyo kini tungod kay weak ang atong strategy. Kasagaran kanato mosulod sa negosyo nga uso ug trending. Mao kini ang rason nganong lisod para ninyo ang makakuha og consumer tungod kay ang inyong gi offer kay gi offer napud sa uban.

Moving forward sa economy, kinahanglan kita ang mo demand og supply. Pangita kamo og serbisyo nga wala pa gi offer sa inyong lugar ug kamo ang paghimo og demand aron gukdon sa tao ang inyong supply. Labaw sa tanan ayaw og buhi sa pagpakita og suporta ngadto sa imong bana. Tagai siya og panahon ug ipakita imong pagpangga kaniya.

Daghang salamat Maam Celia sa pagpaambit sa inyong storya. Hinaot nga mahimo kamong malampuson sa inyong plano isip manag asawa. God bless!

Facebook Comments