Talaingod incident gikondena sa NCIP

55

Davao City – Gikondena sa National Commission on Indigenous Peoples (NCIP) ang nahitabong pagsakay sa katorse (14) ka mga menor de edad sa grupo ni Bayan Muna President Satur Ocampo sa Talaingod, Davao Del Norte.

Sumala ni NCIP Provincial Head sa Davao del Norte nga si Emmanuel Cacal atol sa nahitabong AFP-PNP PRESS CORPS SOUTHERN MINDANAO, walay pagtugot kun consent gikan sa mga ginikanan ang mga batang gisakay gani ila usab gikondena ang mga grupong ginagamit ra ang mga lumad.

Dugang niini suportado sa NCIP ang mga IP Leaders ug Elders sa Talaingod diin maoy nangusog nga batukan ang binuhatan sa mga grupong ginalapas ang katungod sa Indigenous People sama sa grupo ni Ocampo.

Dugang niini, panawagan nila sa katawhan nga paminawon ang tingog sa mga IPs ug respetohon ingon man ilhon ang ilang katungod alang sa ilang huot nga tinguha nga unta ang pag-uyon mu agi una kanila.

Kalakip niining maong panawagan mao ang pagrespeto usab sa ilang naandang balaod ilabi na usab sa ilang indigenous political structures sulod sa ilang luna dinhi sa Mindanao.

John Ryan Dayanan, HCDC intern

Facebook Comments