Talikala: 164 porno cases sa mga bata natala

Davao City – Mokabat sa kapin usa ka gatus nga mga kaso sa mga batang na-expose sa pornography ang natala sa Talikala Inc. dinhi sa syudad karong tuiga.

Sumala sa Executive Director sa Talikala Inc. Jeanette Laurel-Ampog atol sa interview kaniya ni RadyoMaN Misel Miral-Galve sa Serbisyong Straight to the Point, daghang mga bata ang di mabantayan sa ginikanan nga misulod sa pornography sites panahon nga mag-online diin anaa sa 164 ka mga kaso ang natala nga kaso niini.

Dugang saysay sa Executive Director nga lisod ang nasangpit nga kaso gumikan ang mga bata di kini makita nga pagpangabuso kundi usa lang ka matang sa dula-dula.


Gani adunay silay nasayran nga usa ka grade 5 student miingon nga nagasulod kini og usa ka site apan pag tan-aw sa Talikala, nakita ang 3,500 sex videos for free, butang nga gikaalarma sa nasangpit nga organisasyon.

Busa gitambagan niini ang mga ginikanan nga sundon ang ‘3Cs’ nga angay bantayan sa mga bata diha sa paggamit og social media:

Content – Unsay ginatan-aw, ginakuha nga impormasyon sa internet, unsay ginastoryahan, unsay gina-post ug unsay unod

Contact – Kinsa ang mga tao nga ka-chat

Conduct – Unsay behavior sa bata diha sa paggamit sa social media, siya ba tong bata nga ga-accept sa social media og friends bisan wa kaila, emotional kid ba o observer lang

Ang Talikala usa ka organisasyon nga nagatabang sa mga babae ug mga bata nga nabiktima sa pagpangabuso ug prostitusyon.

RadyoMaN Renz Barbarona

Facebook Comments