Kini human sa pinakaulahing natala nga insidente sa Barangay Tuban, Sta. Cruz, Davao del Sur diin gitabangan og kulata ang usa ka grade 6 pupil nga babayi.
Sa interbyu sa DXDC RMN Davao kang Jeanette Ampog, Executive Director sa Talikala-Davao, gisulti niini nga dako og papel ang Department of Education (DepEd) uban ang laing pang stakeholders sa sulod ug gawas sa eskwelahan, sa pagbuhat og mga lakang aron malikayan o kaha gilayong masolusyonan ang insidente sa bullying.
“Tan-awon nato ‘ning bullying kay dako ni’g impact didto sa mindset ng mga bata – mentally, emotionally and psychologically, nga it might affect their participation sa eskwelahan or kanang kagustohan nga magpadayon (sa pagtuon),” matud ni Ampog.
Gidugang sa Talikala-Davao official nga kinahanglan nga magbaton og saktong intervention kalabot sa maong mga insidente, diin kinahanglang ipailawom sa counseling dili lang ang gi-bully kundili lakip na ang nang-bully.
Gawas niini, kinahanglan usab ang involvement sa mga ginikanan nga dako usab ang papel sa maong hisgutanan.
RadyoMaN Kirby Manzon, RadyoMaN Joel Viray
